حلقات برنامج المطبخ على قناة الحياة للشيف حسن و الشيف يسرى و الشيف شربينى

[Dr Hooba]

حلقات برنامج المطبخ على قناة الحياة للشيف حسن و الشيف يسرى و الشيف شربينى

وصفات برنامج المطبخ الذى يذاع على قناة الحياة للشيف حسن كمال والشيف يسرى

حلقات برنامج المطبخ على قناة الحياة للشيف حسن و الشيف يسرى خميس و الشيف الشربيني


التوميه:
المقادير: ا كوب ماء- 2 م نشا -راس توم -ملح وفلفل - سنه زيت-3 ابيض بيض- بصل محمر للتقديم

• توضع راس التوم في ورق فو يل وتدخل الفرن لتشوي
• كوب الماء يعلي علي النار
• اذوب النشا في معلقتين ماء ويضاف للماء علي النار مثل المهلبيه ولكن بدون سكر ويترك حتي يبرد تماما
• اضرب بياض البيض جيدا حتي يعلي مع سنه ملح
• التوم يقطع مفروم ناعم مع الملح والفلفل وسنه ملح في الخلاط وانزل عليه بالزيت بالتدريج ثم يضاف له خليط المهلبيه
• اخلط بياض البيض الخفوق معالخليط السابق بهدوء

يوضع في طبق التقديم وتجمل بحلقات البصل ا لمحمره

الشيش طاووك:
المقادير: اوراك دجاج- 2 حبه فلفل الوان- 2 صماطم مكعبات وبصل مكعبات-3 فص توم 100 جم زبادي- بهارات للدجاج- زعتر ملح 100 جم طماطم بوريه- 1 طمطمايه مبشوره- مرقه بودر

الطريقه:

• توضع التتبيله في الخلاط وهي عباره عن طماطم مبشوره التوم -الزبادي

صلصه الطماطم المرقه البودر البهارات الزعتر الملح سنه زيت

• تشك مكعبات الدجاج في اسياخ خشبيه بالتبادل مع مكعبات بصل ومكعبات طماطم وتوضع في التتبيله

تشوي اسياخ علي الشوايه 50% وتوضع في بيركس لتكمل سواها في الفرن 50% وتقدم مع الارز بالزعفران او اي ارز علي ذوقك

مينتون:

المقادير:150جم زيت ذره- 250جم لبن رايب 10 جم بيكنج بودر 150 جم صور كريم- 150 سكر 250 جم دقيق 100 جم كاكاو

الطريقه:

• يخفق البيض مع السكر في اليكسر يذوبوا فقط مع اضافه الفانيليا
• انزل براحه بالزيت ثم البن الرايب ثم الصور كريم
• انخل الدقيق والكاكو والبيكنج بودر وانزل بيهم علي الخليط السابق(ملحوظه لا اريد للخليط ان يعلي بس يبقي سائل)
• تبطن الفورمه بالزبده والقيق ويزال الزائد منها اضع بيها الخليط علي درجه 180 درجه لمده 35 دقيقه
• بعد ما تخرج من الفرن وتبرد ادخلها الفريزر ثم تقطع بقعاه دائريه من النصف لتملا بكريمه الجناش ثم تدخل الفرن تاني لمده 30 ثانيه لاذابه الجناش
• وتقدم دافئه مع الايس كريم وصوص الشكولاته

الطريقه

تخلط الجبنه الكريمي قليله الدسم مع الجنزبيل البودر مع سكر الفركتوزه (سكر الريجيم) ومع عصير الليمون
تحضر شرائح التوست بان تقطع اطرافها وتفرد عليها الخليط
تجمل بودات من الكريم شاتيه وتقدم
,وادي المقادير

اورانج كريم بورليه :
الطريقه اخلط الفانيليا مع السكر مع اصفر بيض+جزء من الفريش كريم لاحل به السكر)
اضع الجزء التبقي من الفريش كريم في حمام مائي واول ما يغلي اضيف عليه سرسوب خفيف من خليط البيض واضرب بالمضرب السلك حتي يتماسك الخليط ويعمل معايا عرق
يبشر البرتقال بشر خشن
اقشر البرتقال وانزع الجلد منه واستخلص فيليه البرتقال صف صف ويوضع في قالب بيركس
اضع بشر البرتقال علي الخليط اذا ظل علي الوجه ولم يسقط يدل علي نجاح الخفق ويصب في قالب بيركس فوق فيليه البرتقال ويترك حتي يبرد تماما ويدخل الثلاجه ثم اضع علي الوجه سكر بني ويدخل الفرن لياخد جرتان اي لون ذهبي (دي طريقه الشيف حسن بس من النيل والاسره)

• الطريقه:
• في اناء ا ضع الماء والزبدهوالملح والسكر يوضع علي النار حتي يبدا في الغليان
• اضيف الدقيق دفعه واحده مع التقليب السريع المستمر لمده 5 دقلئق تترك العجينه لتبرد او تفرد علي الرخامه لتبرد
• توضع العجينه البارده في العجان مع اضافه البيض بيضه بيضه بحيث اضيف بيضه وانتظر حتي تمتزج بالخليط ثم اضيف الاخري وهكذا حتي تنتهي كميه البيض
• ابلل يدي بالماء وابلل كيس الحلواني واضع فيه الخليط
• تشكل علي هيئه كور او وردات ضغيره فوق صينيه مدهونه وملصوق عليها ورقه زبده وتدخل الفرن(تدهن الصينيه من الاطراف فقط للصق ورق الزبده)
• تجهز الحشوه بخلط الفريش كريم المخفوق مع الباستري كريم
• يجهز صوص الشيكولاته بخلط اللبن والسكر والشيكولاته والكاكاو ويوضع في اناء علي النار يقلب جيدا ثم يضاف له عسل الجلوكوز وبعد ان يغلي الخليط يضاف له الزبده
• تحشي كورات البروفترول بالحشوه وذلك بعمل فتحه ببوز كيس الحلواني وادخال الحشوه عن طريق الكيس حتي تمتلاء ( يمكن فتحها بخشبه خله او بمسن المطبخ)
• في بوله عميقه او كاس توضع كور البروفترول المحشيه ويصب فوقها صوص الشيكولاته وهو دافيء وتجمل بالشيكولاته المبشوره والكريم شانيه وبالف هنا

هذه الاكله تصلح للريجيم قدمها الدكتور بهاء في برنامج العياده ضمن برنامج الريجيم الي بيحطه كل اسبوع ونفذها الشيف حسن في برنامجه




الطريقه:

• في طاسه ساخنه علي النار اضع الزيت ثم انزل عليه بالحم البتلو المقطع شرائح طوليه ثم الطماطم المقطعه طوليا شرائح ثم شرائح الفلفل والبصل المقطعه بنفس الشكل يشوحواسويا كني في ني مع اضافه التوابل كالزعتر والتوم البودر والملح والفلفل تاخذ 50% سوي علي البوتجاز ثم تدخل الفرن في طبق بيركس تكمل سواها مع سنه ماء ويقدم بعد تجميله بالبقدونس وبالهنا والشفا

موس الكراميل

:

3ديسك اسبونش

100 جم سيرب
300 جم كريم لانجليز
100 جم صوص كراميل
30 جم(1 م ك) جيلاتين
100 جم ماء دافيء
400 جم فريش كريم مضروب
100 جم جيلاتين بارد
مقادير الكريم لانجليز:
1 لتر لبن
ربع كوب سكر
8 صفار بيض

l

مقادير صوص الكراميل

ا كوب سكر
كريمه لباني
اولا طريقه عمل الكريم لانجليز
اخد من اللتر لبن نصف كوب ويضرب مع الاصفر بيض
بقيه اللبن توضع علي النار مع السكر والفانيليا
انزل خليط اللبن والبيض كسرسوب رفيع ببط يعني علي الخليط الي علي النار ثم يترك لييبرد
ثانيا طريقه عمل صوص الكراميل
اضع السكر علي النار في طاسه حتي يصبح لونه ذهبي ثم انزل عليه بفريش كريم(احترسي من تطاير السائل الساخن وابعدي وجهك عن الاناء)
الجيلاتينه:
تذاب ملعقه الجيلاتينه في 100 جرام ماء حتي تذوب
يخلط الكريم لانجليز مع الجيلاتيه مع الفريش كريم المضروب وهو ده الخليط الذي سيوضع بين الطبقات
في فورمه مدوره مغلفه ببلاستيك فويل من اسفل ومن الجناب اضع اول طبقهالاسبونش كيك ثم تسقي بالشربات الخفيف ثم اضع الخليط ثم
طبقه اسبونش التانيه وهكذا حتي ننتهي بطبقه من الخليط وتدخل الفريزر

بعد متطلع ازينها بخليط من( ا ملعقه صوص الكراميل+الجيلي البارد)
بس فيه نصيحه شخصيه كنوع من الاقتراح اذا سمحتيلي
اذا كنت مستعجله وعاوزه توصلي لنفس النتيجه بسرعه من غير كل المقادير دي فممكن توفري
تستخدمي الايس الكريم البودر الجاهز لان الخليط الي بين الطبقات هو نفسه طريقه عمل الايس كريم شوفي الرابط ده هيديكي افكار حلوه قوي بدل الخليط ده كله وممكن تعملي التونج النهائي بالكراميل والجيلاتين البارد برضك


الطريقه:

• تتبل قطع اللحم بالملح والفلفل وتترك قليلا
• تحضر الحشوه بان توضع طاسه علي النار وفيها الزيت والزبده ثم اضع البصل المقطع جوليان والجزر المبشور كذلك المشروم المقطع والملح والفلفل ومكعب مرق واشوحهم حتي يذبلوا
• تبط قطع اللحم بالسكين واضع فيها الحشوه بعد ان تبرد تلف رول وتقفل بالخله
• اشوح قطع اللحم المحشيه مع ملعقه الدقيق ثم اضيف الشوربه او البيون ثم فلفل مجروش وفي الاخر اضع الديمي جلاس وتغطي بالمونيوم فويل وتظل علي النار حتي تمام النضج وبالهنا والشفا

ملحوظه مهمه للاخوات: مكتوب في المقادير جوزه الطيب ودي نوع من التوابل المحرم استخدامه وده انا اتاكدت منه بنفسي باني سالت الاخت في الحرم وكمان كذا اخت اتصلت ببرنامج من كل بلد اكله وقالت انها سالت في الازهر وقالوها حرام لان الماده دي كثيرها مسكر وبالتالي بيحرم ولو حتي القليل منها اللهم بلغت اللهم فاشهد







فراخ علي الطريقه المغربيه
( الشيف يسري خميس)
المقادير
4 صدور دجاج مكعبات_ 3 فلفل الوان- 10 حبات ليمون مخلل كوب زيتون اخضر مخلل ومخلي- 2 ثمره جزر- 2 بصله- 2 ملعقه كاري-2 م دقيق - 2 ملعقه زيت


الطريقه:

• احضر الكسكسي الي هيقدم معاها بان اضغه في صينيه واضيف له ملح وفلفل وزيت زيتون ويقلب سويا ثم يضاف له ماء مغلي او شوربه يدوب يغطي الكسكسي حتي لا يعجن واغطي الصينيه بالومنيوم فويل واضعه في الفرن من 4 الي 5 دقائق علي الشبكه الوسطي ولما يخرج اقلبه بشوكه حتي لا يعجن وده يبقي الكسكسي خلص

اضع الدجاج في اناء مع ا ملعقه كاري فقط ويقلب فيها ثم يتشوح وياخد لون دهبي في طاسه بها ماده دهنيه (الزيت)

• في اناء اخر اضع زيت وانزل عليه بالخضروات بعد تقطيعها كبير وهي بالترتيب الجزر ثم البصل ثم الفلفل الالوان يشوحوا مع بعض ثم اضيف ملعقه الدقيق ثم اضيف شوربه وبعد قليل ارجع الدجاج مع الخضروات في الاناء مع اضافه الكاري
• اخفض درجه الحراره ثم اضيف الزيتون واليمون المخلل واغطي الاناء
• يقدم مع الكسكي الي سبق تحضيره بالف هنا

ملحوظه اذا حبت اي واحده تقدم توضيح اكتر في اي وصفه تتفضل وجزاها الله خير مقدما

الفراخ المقرمشه

دجاجه مقسمه من 8 الي 12 قطعه-نصف كوب ماء بصل- 2 فص ثوم- 2 م سماق- 2 م ك***ه ناشفه-2 م بهارات- 2 م خل- 2 ملعقه ليمون- -كوب دقيق- كوب دقيق ذره صفراء

الطريقه

:

اتقطع الدجاجه الي 12 قطعه ونغرز فيها الشوكه عده مرات او طرف السكين في عده مناطق حتي نساعد علي دخول التتبيله وتشبعها بيها
ثم توضع عليها التتبيله وهي عباره عن(ماء البصل والتوم والسماق والك***ه والبهارات والخل والليمون)وتترك في التتبيله لمده 12 ساعه
توضع قطع الدجاج في الدقيق ثم في عصير التتبيله ثم في الدقيق الاصفر
في زيت غزير ساخن اضع الدجاج ثم اخفض درجه الحراره واترك لمده ربع ساعه حتي تمام النضج
ملخوظه: هذه الطريقه غير صحيه لانها لا تتناسب مع مجريات الامور حاليا فيوجود انفلونزا الطيور وكنت شفت طريقه تانيه للفراخ المقرمشه علي النيل والاسره للشيف الشربيني كان سلق الفراخ نصف سلقه الاول وانا جربت الطريقتين بتاعه الشيف يسري وبتاعه الشيف الشربيني والاولي طلع فيها دم رغم انها كانت متقطعه صغير وفضلت كتير علي النار
وكمان التتبيله الي تتبل فيها الفراخ لازم تترمي بعد التتبيل ولا تستخدم مره اخري وده كمان الي قاله الشيف اسامه
جربي

1. جربي تحطي مع الدقيق بعض التوابل الي موجوده في التتبيله وده بيعزز الطعم جدا وعن تجربه مثلا هي بكون بره لونها اصفر اذن ضيفي بعض الكركم وبقيه التوابل الجافه اللي تبلتي بيها وشوفي الفرق
2. في البانيه عموما يفضل وضع الدجاج بعد غمسه في الدقيق والبيض وقبل التحمير يوضع في التلاجه حتي تتماسك الخلطه عليه وميفكش اثناء القلي
3. جربي تضيفي ملعقه صغيره بيكربوناتو مع الدقيق يساعد علي عدم تغير لون الدجاج اثناء التحمير مبيحرقش بسرعه

بلح الشام
1/2لتر ماء؛؛200جرام زيت؛؛400جرام دقيق؛؛6بيضات+2صفار بيض؛؛ملعقة سكر؛؛ملعقة ملح صغيرة جدا؛

• الطريقه
• نضع فى حلة الماء والزيت والملح والسكر لحد ما يبتدوا فى الغليان ثم نضع عليهم الدقيق مرة واحدة مع التقليب بسرعه وبشدة وهو على النار علشان الدقيق يستوى
• . نضع العجينة فى العجان ويلف لفتين علشان العجينة تبرد او ممكن توضع في الثلاجه حتي تبرد
• ثم نضع البيض بيضة بيضة بحيث لا اضع البيضه حتي تتجانس الاولي مع الخليط
• . نضع العجينة فى الكيس والقمع . ندهن ايدنا بالزيت.
• نضع صينية على النار مليانه زيت على نار هادية جدا ويكون الزيت بارد وننزل بالعجينة نعمل اصابع بلح الشام على كف الايد ثم ننزله فى الصينية لحد ما البلح الشام يتخن وينشف نشيله من الزيت فى المصفاه ثم نضع علية السيرب التقيل وبالف هنا
• ملاحظات مهمه احرصي علي ان يكون الزيت بارد حتي بعد متطلعي بلح الشام اول مره اترك الزيت يبرد قبل مضيف باقي الكميه
• المقالي كلها تتاكل في نفس اليوم تاني يوم بتطري ممكن تعملي علي الاد وبقيه العجينه تعنيها في الفريزر

الزلابيه(لقمه القاضي)






نصف كيلو دقيق-50 جم نشا (ربع كوب نشا- 20 جم خميره (2 م كبيره) 200 جم ماء
الطريقه
اخد من الدقيق ملعقه واخلطها مع 2 م زيت - نصف كوب ماء دافيء -ا ملعقه كبيره خميره- نصف ملعه ملح -نصف ملعقه سكر اخلطهم سويا واتركهم يختلطوا سويا ويختمروا لمده ساعه في مكان دافيء(الخميره البايته)

بعد ساعه اضيف بقيه المقادير اضيف الماء الدافيء حوالي كوب حتي تصبح سائله واتركها تختمر ساعه تانيه

بعد التخمر اهبط العجينه بايدي ثم امسك العجينه بايدي بقوه وبالمعقه اخد العجينه الي الي طالعه من بين السبابه والابهام وضعها في زيت غزير ساخن واقلب فيها حتي تاخد اللون الذهبي

ملحوظه: النشا بيعطي لها قرمشه من بره
الزيت لازم يكون غزير سخن
اضع كوب به زيت جانبي اغمر فيه الملعقه كل شويه حتي لا تلتصق بالعجين اثناء التشكيل
تسقي بشربات ثقيل بارد مثل كل المقالي

البسبوسه
المقادير:
نصف كيلو دقيق سيمولينا-50 جم جوز هند(ربع كوب)
3/4 كوب سكر- 1/2 م بيكنج بودر- 125 جم ماء(3/4كوب ماء- 150 سيرب تقيل(1/4 كوب)-100 سمنه(1/2كوب)
الطريقه
يحضر السيرب او الشربات في اناء اضع 2 كوب سكر مع اكوب ماء وبعد ان تغلي اضيف لها عصير ليمونه

اخلط الدقيق مع جوز الهند ويقلبوا سويا
اسيح السمنه علي النار
اخلط الماء والسكر مع السيرب او الشربات مع السمنه السايحهثم انزل بيهم علي الدقيق
لا اقلب كثيرا حتي تضل مرمله

في صينيه مدهونه سمنه اضع الخليط واجبسه بايدي

لك الحريه بان تضعي اي مكسرات بتحبيها علي الوش سوداني بندق

تدخل في فرن مسخن مسبقا لمده 25 دقيقه


وبمجرد خروجها تسقي بالشربات الساخن
ملحوظه عن تجربه اذاتركت البسبوسه في الصينيه حوالي ساعتين فبل دخولها الفرن يبقي طعمها احسن
اذا شربت الشربات نبقي نجحت اما اذا مشربتوش تبقي فشلت
وياريت تختبري البيكنج بودر فبل استعماله بوضع ذره من في بعض الماء او الخل اذا فار يبقي سليم بالف هنا

البيتزا

• الطريقه:
• 

هناك 3 انواع من العجائن منها الطري ومنها الكرسبي او المقرمش وعليكي ان تختاري ما تفضليه
الاولي: هي نفس المقادير باستخدام الزبادي (البتزا الطريه)
الثانيه تعجن بماء فقط بدون زبادي
الثالثه:بعد العجن نضيف لها 1/2 كوب زيت (وده الي بيديها القرمشه)

• تخلط كل المقادير جيدا سواء بالعجان او باليد ثم اتركها ترتاح لمده 1/2 ساعه
• بعد التخمر افردها بايدي وارش تحتها دقيق حتي اصل لسمك المناسب
• في صينيه اضع بعض الزيت واكمل فردها في الصنيه ثم يوضع علها صوص الطماطم وابعد عن الاطراف توضع الحشوه تبع نوع البتزا المفضله وتدخل الفرن من 7 الي 8 دقائق وبلهنا والشفا

ملحوظه: البتزا الكالتسوني تو ضع الحشوه علي احدي نصفيها وتغلق مثل القطايف ويلمع الوجه بالبيض وممكن وضع بعض الحشوه علي السطح لتبين نوع الحشوه

[loaloaa_conquer]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

الكبده الاسكندراني( الشيف حسن)




المقادير

50 جم زبده-3-6 فصوص توم- فلفل حار حامي -شطه كمون- بهارات- ك***ه ناشفه-500 جم كبده- ملح- 2 ليمونه- 3 ملعقه خل

الطريقه:

تقطع الكبده شرائح رفيعه طويله(ايمانسيه)ثم تتبل قبلها بيوم في (ماء بصل -توم -ليمون-توابل علي ذوقك......

نضع في طاسه زيت حتي يسخن ثم اضيف له التوم المفروم خشن ثم الفلفل الحار المقطع جوليان ثم الكبده حتي اشم رائحتها ويتغير لونها فنخفض درجه الحراره ونضيف التوابل وتترك حوالي 15_20 دقيقه فقط) حتي لا تمط وتقدم في طبق التقديم مع اليمون المقطع وبالف هنا

الفراخ بالكاري



المقادير:

• 4 صدور فراخ فيليه-ا بصله مبشوره-زعتر ملح فلفل- روزماري-20 جم زيت(هذه هي مكونات التتبيله الي هتتبل فيها الفراخ)
• صوص الكاري

50 جم زبده- بصله- 2فص ثوم-فلفل حار-50 جم لبن-20 جم زبادي-2 ملعقه دقيق ذره-ا ورق لورا-5 جم ملح-5 جم بهار- 1 لتر بيون او شوربه فراخ-طماطميه مقطعه كونكاسيه -تفاحه خضراء مقطعه مكعبات 1 م بودر كاري

الطريقه:

1. في طاسه علي النار اضع زيت وزبده واشوح الدجاج واتركها تكمل سوي حتي اضع عليها الخليط بعد ذلك
2. احضر صوص الكاري بوضع طاسه علي النار مع زيت وزبده ثم بصل مفروم وبعده مباشره التوم ثم الفلفل الحار المنزوع البذور ادبلم فقط ثم اضيف الطماطم الكونكاسيه ثم التفاح الاخضر وبعد قرب نضجه اضيف جوز الهند ثم بودره الكاري واقلبه واتركه قليلا حتي يقرب النضج فاضيف اللبن وفي الاخر اضيف الشوربه مع 2 ملعقه دقيق ذره كعامل ربط ولا انسي الملح والفلفل والبهارات وبعد مايربط ياخد غلوه واطفي النار واتركه يبرد ثم يضرب في الخلاط
3. اضع الخليط علي الدجاج ليكمل سواه معه واذا كان الصوص تقيل يخفف بالشوربه ويقدم مع الارز بالكاري وبالف هنا

1


بيكاتا بالمشروم

المقادير:
كيلو شرائح لحم بتلو اسكالوب-200 جم مشروم فريش- 1/2 كوب فريش كريم-1/2كوب ديمي جلاس-بصله مفرومه ناعم- ملح – فلفل-2 ملعقه دقيق

الطريقه:
· ابشر البصله ناعم مع ملح وفلفل واتبل بها شرائح اللحمه ثم اضيف عليها الدقيق واخلطه معهم(اعفره بالدقيق)
· في طاسه اضع الزيت والزبده واضع شرائح البتلو تتشوح
· اضع في طاسه اخري البصل المفروم مع شرائح المشروم المقطعه شرائح مع اضافه تتبيله البصل والدقيق الي كانت اللحمه متبله فيها ويشوح الجميع
· اضيف الفريش كريم ثم الديمي جلاس ياخد غلوه ثم اضيف الجميع للطا سه مع شرائح البتلو اتركهم جميعا معا حتي يتم النضج
تقدم مع مكرونه اسباجيتي مسلوقه توضع فوقها شرائح البتلو مع الصوص المتبقي او تقدم البيكاتا منفرده مع الصوص

كيكه الشيكولاته(الشيف يسري خميس)

المقادير:
125 زيت-125ماءدافيء- 200 سكر-200دقيق-100 بيض(2 بيضه)- 30 كاكاو- 5 بيكنج بودر- ذره فانيليا- ذره ملح

الطريقه:
· اخلط البيض مع السكراذوبهم فقط ثم اضيف لهم الماء الدافيءثم الزيت واقلب حتي يتجانس
· انخل الدقيق مع الكاكاو والبيكنج بودر والملح والفانيلياثم اضيفه للخليط السابقمع التقليب حتي عجينه سائله
· في فورمه مفرغه مستديره اغلفها ببلاستيل فيل ثم اغلفها من الخارج بورق الومنيوم واصب الخليط حتي نصف الفورمه
· ويوضع في حمام مائي وتدخل الفرن علي درجه حراره 180 لمده من 35 الي 40 دقيقه



شركسيه(الشيف الشربيني)
المقادير:

فرخه مسلوقه- 100جم عين جمل-3 شرائح توست او(1 م دقيق)_بصله مفرومه- فص ثوم كسبره ناعمه- مكعب مرق-


الطريقه:
· تسلق الفرخه في ماء مع بوكيه جرنيه(بصل جزر كرفس )ورق لورا- وحبهان وملح- وفلفل
· في اناء اضع زبده ومكعب مرق وبصل مفروم ويشوح الكل ثم العيش التوست او لبابه العيش الفينو ثم الكسبره الخضراء ثم العين الجمل يشوح الجميع ثم يضاف بعض من شوربه الدجاج وتترك حتي تمام النضج
· تقدمفي طبق تقديم مع الارز وترص قطع الدجاج المسلوقه والمخليه فوقه ووتصب الشركسيه فوقه
· او تقدم الشركسيه في طبق منفرد مع وضع قطع الدجاج المسلوقه معها

[ملك روحى]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

اشكركم على الاكلات الرائعة واتمنى المزيد

[رحمتك ربي]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

جزاكي الله اختي كل خير بارك الله فيكي ... هل لي ان انقل الموضوع

[سجده وجودى]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

بارك الله فيك
بس فين باقى الوصفات
سجده وجودى

[محمد حسين]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

جزاكم الله خيرا

[الشيف]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

ازيكتالتلتلتلتلعتل

[شيرين رجب]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

تسلم ايديكم على الاكلات الجميلة دى ويارب يكون فى ميزان حسناتكم شيرين

[شيرين رجب]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

نفسى الحلقات تنزل كل يوم حلقة بحلقة على النت علشان الى متبعهاش فى التليفزيون يجبها من النت ويكون ليكم انتو الثلاثة جزيل الشكر يااحلى شيفات فى مصر شيرين رجب

[ام شكمنيحه]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

شششششششششششششششككككككككككككككككككرا

[سيد أبو الخير]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

رائع وجميل ومفيد جداً

[miro elkobrosy]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

انا عايزة طريقة كفتة البانيه للشيف يسرى ومرسيى جدا على مجهوداتكم

[مارياحاتم]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

ميرسي جدااااااااااااااااااااااااااا

[rania elemy]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

انا عايزة طريقة عمل الملفيه
وشكراً

[dodo_kemo]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

عاوزةالكبيبة

[سيكو]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

شكرااااااااااااااااااااااااااااا

[marem22]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

اشكركم على الاكلات الجميلة واتمناةلكم الصحة والمذيد من الاصناف الرائعة

[Dr Hooba]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

مسقعه بالباشميل

om hana

المقادير:
كيلو باذنجان- نص كيلو لحم مفروم- بصلة- فصين توم 2-كوب عصير طماطم- 2 ملعقة صلصة طماطم 1-ملعقة زعتر

صلصة الباشميل:
3 ملاعق زبدة 3 ملاعق دقيق نص لتر لبن جبنة مبشورة
الطريقة:
· تعصج اللحمة المفرومة والزعتر والملح والفلفل معلومة من عندى الملحمتحطهوش غير فى الاخر علشان اللحمة مترملشطريقة الباشميل
· :لبن ونحط فيه عود كرفسمقطع وبصل جزر جوزة الطيب(على فكرة فيه علماء افتوا بان حرام استخدامها)
· ونغلىاللبن بعد كده نعمل الباشميل بالطريقة المعتادة بس يكون اللبن بارد ونحط شوية ملحصغيرين علشان الجبنة المبشورة هو حاطها فى الباشميل
· ونرص الصينية ونحطها تحتالشواية من 3 ل4 دقائق

كفتة الحاتى

om hana

المكونات:

750 لحم مفروم- ثمرة طماطم- 2 بصل مفروم- ملح فلفل-بقدنوسملحوظات:
1. لعمل الكفتة نعصر البصل كويس جدا لاننا هنستعمل تفل البصل وعصيرالبصل هنستعمله فى حاجة تانية هقولكم عليه
2. تانى حاجة نسبة الدسم متقلش عن 200 جمدهن او ليه
3. لازم الملح يكون مضبوط علشان متفكش

الطريقه:

• ندعك اللحم بالمكونات كلها بعد كده نبل ايدينا ب(مية البصل وملعقة طماطم مدوبة فىشوة ميه وبهارات)
• ونصبع الكفتة ونحطها فى السيخ لازم الكفتة تكون مجوفة من جوهعلشان تستوى
• بعد كده نحط زيت فى الصينية ونشوحها فيها يدوب تلون ولو فى الشوايةيبقى افضلبعد كده نحطه فى صينية فى الفرن حوالى خمس دقائق مش اكتر

سلطة الطحينة
om hana

كوب طحينة -كوب زبادى- عصير ليمونة- 2 م خل- فص تومالطريقة:
نحطالليمون على الطحينة بعد كده نص م خل وملعقة صغيرة كمون والتوم وكوب زبادى وحوالى 4ملا عق ماء ونخلط بالمضرب السلك بعد كده نجط شوية ملح

للبودنج

om hana

المقادير:

10 شرائح توست -250 جم زبدة طرية- لتر لبن- 10 بيض- 250جم سكر- 200 جم زبيب 5 جم فانيليا- 50 جم فستق حلبى
الطريقة:
· نجيب التوست ونقطع الحواف
· وندفى الزبدةوندهن كل التوست بيه ونقطعه زى الساندوتش
· ونرصه فى البايركس بعد ما ندهنه مادةدهنية
· وبعد كده نجيب اللبن والسكر والبيض والفانيليا ونغليهم كلهم ونحطه على التوستبعد مانصفيه نمسيبه شوية يتشرب ونرش الفستق
· وندخله الفرن يكمل سواها وندهنهابالجيلىعلى فكرة الشف قال ان دى كمية كبيرة وعمل نص الكمية

[haytham19]

رد: حلقات برنامج المطبخ على قناة الحياة للشيف حسن و الشيف يسرى و الشيف شربينى

شكرا جدا على المجهود شكرا جدا
مشكور

[رشا فتحى]

طلب بالدعاء

تسلم اديكى على كل هذا المجهود

واسمحولى انا عضوة جديدة فى المنتدى واعذرونى انى هبدأ معاكوا بموضوع مؤلم شوية اكيد طبعا بتابعوا برامج الشيف حسن والشيف يسرى والشيف شربينى وعارفين مساعد الشيف شربينى واسمه احمد فى البرنامج للأسف هو اتعرض لحادث قطار وتم بتر ساقة والكلام ده اتقال فى البرنامج اليوم 14/1/2010 ارجوا منكم الدعاء لهذا الشاب المكافح الذى كان يأتى من المحلة للقاهرة للعمل فى البرنامج حيث انه تعرض للحادث اثناء ركوبه قطار المحلة وهو يعالج الان فى مدينه المنصورة
ارجوا منكم الدعاء له